Monday, 24 March 2014

AMFANIN ZUMA GA LAFIYA (A TAKAICE)

Zuma wani irin abinci ne mai zaki kamar shigen suga wanda kudan-zuma ke samarwa daga furen itace ko shuka -wato wani romon sinadari dake cikin furen itace ko shuka da kudan-zuma ke tsotsowa (nectar) domin sarrafa ruwan zuma. Mutane na amfani da zuma a matsayin abinci ko magani. Sabili da muhimmancin zuma, a cikin surorin Alqur'ani maigirma - akwai surah mai sunan kudan zuma - wato Surat An- Nahl. Allah (S.W.A.) ya bayyana mana muhimmancin zuma ga rayuwar 'dan adam a cikin wannan surah " ...waraka ce ga mutane." (An Nahl: 69). Hakika kuma Manzon Allah (S.A.W.) ya bayyana mana muhimmancin ta a wasu hadisai.
Don haka, zuma nada amfani ga lafiya kamar haka:
1. Tana kashe cutar bakteriya da fangas (bacteria & fungus) da kuma bada kariya daga kamuwa da ciwon-daji. Bincike ya nuna cewa zuma mai duhu-duhu tafi wannan amfanin.
2. Tana warkar da ciwo ko gyambo idan ana shafawa ko sha.
3. Tana taimaka ma mai-mura, tari , atishawa da sauran matsalolin sanyi.
4. Maganin gudawa ce.
5. Maganin gyambon ciki - Ulcer.
6. Tana karfafa garkuwar jiki.
7. Tana rage hadarin kamuwa daga cututtukan zuciya, musamman idan aka hadata da Kirfat (cinnamon).
8. Tana sanya kuzari a jiki.
9. Tana rage nauyin kiba. Shan ruwa mai-`dumi da lemun tsami tare da zuma kafin aci komi da safe zai taimaka wajen rage `kiba.
10. Tana saukaka narkewar abinci ga masu fama da rashin narkewar abinci.
11. Tana rage kumburi mai sanya waje yayi kalar ja da radadin ciwo.
12. Tana kyautata lafiyar kwalwa.
13. Tana gyara fata da rage kurajen fuska (pimples) idan ana shafa ta.
14. Da sauransu.












Saturday, 1 March 2014

KALUBALE GA MA'AURATA - KASHI NA 5



GARGADI:
Ba'a yardaba wani yaro ko mutum qasa da shekara sha-takwas (18) ya karanta wadannan bayani ko daya daga cikin shigen jerin irin wadannan bayanai wanda suka gabata. Mai aure ne ko mai shirin yin aure ya kamata ya karanta. Idan shekarun ka/ki basu kaiba kada ka karanta domin doka da tarbiyya sun hana.

GABATARWA
A`dabiance mazaje da dama na cintar kansu cikin wani halin damuwa a duk lokacinda akayi magana dangane da muhimmancin girman al'aura wajen jima'i. Kamfanonin dake samarda kwayoyin magani na girman-mazakuta ko shakka babu suma sun taimaka wajen jefa wannan tsoro cikin zukatan mutane. Wasu kamfanonin ma su kanyi amfani da hotunan batsa na shaidanun mutane masu girman mazakuta domin su jawo hankalin mutane cikin irin wannan tunani: cewa girman al'aurar namiji itace abu mafi muhimmanci wajen saduwa , kuma rashin girmanta na haddasa rashin gamsasshen jima'i ga mace. Sau dayawa sukanyi amfani da wannan dama su sayarda magungunansu da wuri - wato wani sabon salon dubarar kasuwa ne, wanda ta hakan sun sami miliyoyin kudi da mutane.

Sabili da irin wannan barazana, zakaga mutane sun damu sosai akan al'amarin mazakuta , koda kam suna da abunda zasu iya wadatar da matansu (wanda su basu luraba).Muna samun sakonni da yawa (Mails, SMS & Calls) na tambayoyi akan wannan matsala. Saboda yawansu sau dayawa bamu iya karantasu duka kuma mu mayar da amsa. Muna bada hakuri. Don haka zamuyi bayani akan wannan mas'ala daidai gwargwadon abunda muka sani na ilimi. Allah yayi mana jagora.

Minene Adadin Tsawo da Kaurin Al'aurar Baligi ?

Binciken ilimi ya nuna cewa yanayin girman jikin mutum, karanta, tsawo ko kajartar jikin mutum bayada alaka da yanayin girma, tsawo ko gajartar al'aurarsa (kamar yanda wasu ke tunani). Sau da yawa akan samu akasin abunda ake tunani.

Dayawa daga cikin masu binciken kimiyya da nazari akan al'aurar 'dan adam sun raba mutane (baligai) zuwa kaso uku (3): Kason farko (1) sune mutane na tsaka-tsakiya (average) wajen yanayin girman al'aurarsu kuma sune mutanen da akafi yawan samu. Kaso na biyu (2) sune mafi girman al'aura (above average), wato sunfi na tsaka-tsakiya girman mazakuta. Kaso na uku (3) kuma sune na karshe wadanda suke da qasa da abunda kaso na 2 suke dashi (below average), wato masu karantar al'aura.

A lokacinda al'aurar mutum baligi take kwance ba a mike ba (flaccid state) tanada kimanin tsawon inci 3 da `digo 5 zuwa kusan inci 4 (3.5- 3.9 inches = 9-10 cm) amma bai kai inci 4 ba, wato inci 3 da `digo 9. Wannan shine yanayin tsawo na mutanen kason farko, wato na tsaka-tsakiya. Kuma shine tsawon da akafi yawan samu a cikin mutane. Inci 4 zuwa sama kuma shine tsawon mazakutar mutanen kaso na 2, wato wanda su kafi mutanen dake cikin kaso na 2 tsawon mazakuta a lokacinda take kwance (flaccid length of penis). Haka kuma, qasa da inci 3 da rabi shine tsawon mazakutar mutanen kaso na 3.

Toh saidai kankantar zakari a lokacinda yake kwance (flaccid length of penis) bashi bane abunda yake nuni da zahirin tsawonsa ba. Domin kuwa zakari na iya mikewa daga kankantarsa zuwa tsawo mai yawa. Hakan kuwa na yawan faruwa ga wasu mutanen.

Mutumin dake cikin kason mutanen farko, a lokacinda zakarinsa ya mike sosai (erect) zakarin nada kimanin tsawon inci 5 da `digo 5 (rabi) zuwa inci 6 da digo 3 (5.5 - 6.3 in = 14-16 cm). Ma'ana mutum wanda keda tsawon zakari na inci 5 da rabi ko inci 6 ko kuma zuwa gidan inci 6 da `digo 3 toh ya fada cikin kason mutanen farko (average). Mutumin dake da sama da wannan adadi kuma ya fada cikin kason mutane na 2, wato mutane masu zakari inci 6 da `digo 4 zuwa sama. Haka kuma, mutumin dake da qasa da inci 5 da rabi wato daga inci 5 da `digo 4 (5.4 in) zuwa qasa ko inci 3 zuwa qasa, toh ya fada cikin kason mutanen karshe (wato mutane na 3) masu karantar zakari.Kauri, fadi ko gwabin zakari kuma (penis thickness, girth, width, or circumference) na kason mutanen farko nada kimanin inci 4 da `digo 7 zuwa gidan inci 5 da `digo 1 (4.7-5.1 in = 12-13 cm). Mafi yawancin mutane suna cikin kason mutane na 2 (average).

Bugu da qari, mutum zai iya zamantowa yana da tsawon mazakuta da ya fada cikin kason farko ko na biyu amma fadi/kaurin mazakutar ya fada cikin kaso na biyu ko na farko ko kuma ma sabanin hakan. Domin kuwa kowani mutum yana da yanayin da Allah Madaukakin-Sarki ya halicce sa na daban. Kuma Allah Mai-Girma da Daukaka  shine Mai halitta mutum yanda Yaso.

Hanyoyin da masu binciken sukabi wajen samun wannan ilimi sune kamar haka: sanya mutane su auno tsawo da kaurin zakarinsu ta hanyar amfanida "ruler " da kuma "tape", wato sunyi amfani da "ruler" wajen awon tsawon zakari da kuma "tape" wajen awon kauri ko fadin al'aura. A wasu binciken kuma ma'aikatan lafiyar ne da kansu suka auna mutanen domin gudun kuskure daga wajen mutane da akan samu wani sa'in.Misali A wani bincike da akayi a Jami'ar Indiyana (Indiana University) mutum dubu-daya-da-dari-shida-da-sitin-da-daya ne (1,661) akayi bincike a kansu, an sanya su su auno tsawo da kaurin al'aurarsu a lokacinda take mike so sai. Ko wanen su kuma ya bayarda sakamakon ta yanar-kizo (internet).

Wadannan bayanai da suka gabata sun samune daga wasu Mujallolin kiwon-lafiya da suka bada rahotanni akan wasu bincike-bincike da aka gabatar akan al'aurar 'dan adam (A study published in Journal of Urology on September 1996 & a study published on December 2000 in International Journal of Impotence Research & others, among many). Wata mujallar kiwon-lafiya ta Birtaniya ( British Journal of Urology in 2007 ) dake nazari da bincike akan al'aurar 'dan adam ta tattaro wadannan rahotannin bincike-binciken da suka gabata, kuma ta kwatanta kamanceceniyar sakamakon rahotannin binciken na daban-daban. Mujallar tayi sharhi akan wadannan rahotanni inda ta fitar da bayani na kimanin adadin tsawo da fadin zakari (da muka bayar) daga bincike-binciken har guda goma-sha biyu (12) na wasu kasashen duniya da dama. Dalilan wadannan bincike-bincike mafi yawanci shine domin a tabbatar da ilimi akan tsawo da kaurin mazakuta tayanda ma'aikatan kiwon- lafiya zasu iya bada shawarwari ga mutane da suke tunanin suna da kananan zakari kuma suke neman mafita daga matsalar daga likitoci.

Wani Mutum ne Zai Iya Gamsar da Iyalinsa?

Sau dayawa mutane da dama nada tunanin cewa al'aurarsu karama ce kuma suna kokonto ko suna gamsar da iyalinsu yanda ya kamata wajen kwanciya . Wannan shine tsoro da yacika zukatan mutane da yawa saboda ganin cewa wasu kan alakanta gamsasshen jima'i da namiji mai girman mazakuta da kuma jin wasu labaran cewa mata sunfi son namiji mai yalwa da sauransu.Abun mamaki kuma shine mafi yawancin masu irin wannan tunanin tsoro ko fargaba sune mutane na cikin kason farko (average men), wato na tsaka-tsakiya masu tsawon zakari inci 5.5 har zuwa gidan 6.3 (da kuma kauri inci 4.7 zuwa inci 5.1). Mafi yawanci irin wadannan mutane su zaka ga basu gamsu da yanayin suba. Mutane kuma na kason karshe (masu karantar mazakuta) dama can sun san matsayin su - sunada karamin zakari.

Gaskiyar wannan lamari shine: ilimi har ila yau ya nuna cewa , kusan duk mutanen dake cikin kason farko (average men) zasu iya gamsar da iyalinsu wajen jima'i. Dama dai shi jima'i wani abune da yake bukatar dabaru da kwarewa domin gamsar da iyalin mutum. Mutumin dake a kason farko mai dabaru na ilimin jima'i gami da fahimtar iyalinsa akan lamarin jima'i ko shakka babu zai biyama matarsa bukata yanda yakamata kamar yanda mutumin dake dake a kaso na biyu (above average ) ke biyama matarsa bukata yanda ya kamata. Zamantowa a cikin mutanen kaso na 2 sa'a ne domin kuwa mutane a cikin irin wannan kason basu da yawa kamar irin na kason farko. Haka kuma kada kayi mamaki cewa mutumin dake cikin kaso na farko ya gamsar da matarsa sosai fiye da mutumin dake cikin kaso na 2. Ana samun irin wandannan mutane wanda suna da isasshen komi amma basu san yanda za suyi amfani dashi ba, don haka sai mutumin kason farko mai dubara ya fisu abun kirki. Haka kuma, wasu mazajen masu girman al'aura wani sa'in mata na tsogomi da cewa jima'i dasu akwai zafi kasancewar suna da girma da yawa. Bugu da qari, wani sa'in saboda da yawan girman wata mazakutarr sai kaga bata da karfi sosai sai girman kawai.

Bincike ya nuna cewa mata na cikin kason farko (average women) nada kimanin tsawon farji (zurfi) inci 3 zuwa 4 a lokacinda basu cikin sha'awar jima'i, wato a lokacinda basu kamu ba (un-aroused). Wasu kuma matan nada inci 5 zuwa 7. Amma a lokacin jima'i farji na budewa yana qara tsawo da fadi tamkar roba irinta balo ta yanda zai wadaci ko wani nau'in zakarin daya shige shi. Yi mamakin ikon Allah da cewa ta farji ne ake haihuwar jinjiri yayinda ya bude tamkar roba mai-talala. A yayin saduwa kuma farji na yawaita tsukewa da budewa a lokaci daya (repeatedly) domin ya matse zakari dake kaikawo , don samun guga (friction) dake bada `da
ni'imar jima'i.

Toh wata qila mai-karatu yayi wannan tambayar: Da wata hujjace aka dogara da ita cewa mutum na cikin kason farko zai iya gamsar da iyalinsa wajen saduwa? Hujjar itace, ilimi ya nuna cewa zangon farko na zurfin farjin mace (wato waje-wajen farji daga kofa zuwa ciki har zuwa wajen inci 5 na zurfi a qiyasi) shine wurin jima'i (vagina) mai muhimmanci (baya ga beli) da yafi jin 'dan'danon jima'i a lokacinda zakari ke shiga farji.Dalilin kuwa shine wurin na cunkushe da wasu wayoyin sadarwar qwalwa masu jin ta`bi, wato masu kai sakon jindadi ga qwalwa da suke da yawa sosai (nerve-endings).Wadannan wayoyin sadarwa sune suka tafo har zuwa beli (clitoris) su kayi wata babbar mahada a wajen belin daga karshe. Wajen beli akwai wadannan wayoyin masu yawa tamkar wayoyin lantarki masu kawo wuta mai-karfi. Suna da yawa fiye da dubu takwas a qiyasi (More than 8,000 sensory nerve endings by estimate). Wannan zango daya tafo ya qare da wata boda ta zango na biyu. Zangon na biyu wajen zurfi kuma (cervix ) wajene da bana jima'i ba. Matsatstsen wuri ne da ya fara daga karshen zangon farko ya kuma mika zuwa hanyar mahaifa. Wannan bayanai suna nuna cewa mutum na kason farko nada dama dazai iya biyama iyalinsa bukata idan akayi la'akari da adadin tsawon zakarinsa. Duk kanin wadannan wurare (Vagina & cervix) suna qara tsawo a lokacin da mace ta kamu. Kuma a duk lokacinda maigida yaji matarsa tace ya shege ta da yawa - ba dadi ko tayi masa waigi da hannayenta toh kodai saboda tsawon zakarinsa da ya tabo "cervix" ko kuma saboda bata kamu ba- ma'ana bata cikin sha'awa sosai. Domin kuwa idan bata cikin sha'awa tsakanin zangon farko dana biyu babu nisa- matse suke da juna. Idan akwai sha'awa sosai duk sai su qara budawa da yalwa.

Tsawo ne Yafi Muhimmanci ko Kauri?

A wani bincike mata da yawa sun bada rahotanni cewa kaurin mazakuta yafi gamsarwa akan tsawo. Kaurin al'aurar na miji yafi gugar fatun farji domin samun ni'ima. Mata da yawa suna  nuna cewa sunfi jin zakari ya cika su idan mazakuta nada kauri. Saboda haka akan bada shawara ga mararsa kauri cewa uwargida ta rinka hade kafafunta/cinyoyinta wajen kwanciya domin ta gamsar da kanta da maigidanta.

Minene Mafita?

Duk zakarinda ya gaza inci 3 a tsaye (erect) ana kiransa da suna "Micropenis" a turance (wato `dan karamin zakari).Duk mutumin da yake da qasa da abunda ake bukata na tsawo ko kauri yana bukatar ilimin jim'i da wasu dabarun jima'i da zasu taimaka wajen biyama iyalinsa bakin gwargwado. Haka kuma yana bukatar shawarwarin likita kwararre a fannin al'aura. Bugu da qari, akwai hanyoyi na magani, ofireshin (surgery or penile augmentation), famfo (penis pump), qarin-girman zakari da hannu (jelquing/penis exercise) da sauransu na qara girman zakari. Da yawa daga cikin hanyoyin nada hadari ga lafiya wasu lokuttan. Kuma kadan ne daga cikin mutane masu amfani da hanyoyin suke bada rahotan samun nasara idan ka cire magani wanda shima aikinsa ba dindin bane . Kuma kafin mutum yabi daya daga cikin hanyoyin ya zama wajibi yasan hukunci addinin Musulunci akan ko wace hanya - ma'ana haram ne ko halas don gudun sabama Sharia. Don haka sai an tambayi Malaman Sunnah don samun bayani na ilimi (Al-Qur'ani da Hadisi) daga fahimtar magabata. Allah yasa a dace, Ameen.

MEDICAL DISCLAIMER:  
Wanda ya tattaro wadannan bayanai da suka gabata kuma yayi kokarin fassara su a cikin yaren Hausa daga harshen Turanci ba likita bane, Mai- bincikene akan matsalolin lafiya da kuma maganin gargajiya (herbology) irin na Musulunci da kuma na wasu al'adun.Bayanai da mai-bincike ya samo an ciratosu ne daga wasu rubuce-rubuce na wasu masana kiwon lafiya, mujallun kiwon lafiya da kuma yanar-gizo. Mai-bincike yana da kyakkyawar manufar haskakama mutane domin fahimtar wasu matsalolin lafiya da akayi shiru akansu wanda kuma sun dade suna cima mutane tuwo akwarya, domin su ilmanta kuma su nemi shawarwari daga ma'aikatan-lafiya qwararru, don samun mafita daga matsalolinda suka dame su.Wannan bayanai da suka gabata za'a iya yi masu gyara daga qwararru masana kiwon lafiya a duk lokacinda bukatar hakan ta taso domin gudun kuskure da kuma bada gur`bataccen bayani akan matsalolin lafiya. Mun gode.

Domin karin bayani nemi nemi ma'aikatan lafiya qwararru musamman akan al’aura (Urologists) ko kuma bayanai daga wadannan hanyoyi wanda wasu na daga cikin wanda mai-bincike ya ziyarta:

Chen, J.; Gefen, A.; Greenstein, A.;
Matzkin, H.; Elad, D. (2000). "Predicting
penile size during erection". International
Journal of Impotence Research 12 (6): 328–333.

Lever, J.; Frederick, D. A.; Peplau,
L. A. (2006). "Does Size Matter? Men's and
Women's Views on Penis Size Across the
Lifespan". Psychology of Men & Masculinity
7 (3): 129.

 Stang, Jamie and Story, Mary.
"Adolescent Growth and Development" .
University of Minnesota. p. 3. Retrieved 26
November 2012.

Wessells, H.; Lue, T. F.;
McAninch, J. W. (1996). "Penile length in
the flaccid and erect states: Guidelines for
penile augmentation". The Journal of
urology 156 (3): 995–997.

Wylie, Kevan R.; Eardley, Ian (June
2007). "Penile size and the 'small penis
syndrome'" . British Journal of Urology International 99 (6).

Wikipedia contributors. "Vagina."
Wikipedia, The Free Encyclopedia .
Wikipedia, The Free Encyclopedia, 25
Feb. 2014. Web. 28 Feb. 2014.

Wikipedia contributors. "Clitoris."
Wikipedia, The Free Encyclopedia .
Wikipedia, The Free Encyclopedia, 22
Feb. 2014. Web. 28 Feb. 2014.

Wikipedia contributors. "Human penis
size." Wikipedia, The Free
Encyclopedia . Wikipedia, The Free
Encyclopedia, 26 Feb. 2014. Web. 28
Feb. 2014.

Wikipedia contributors. "Micropenis."
Wikipedia, The Free Encyclopedia .
Wikipedia, The Free Encyclopedia, 31
Dec. 2013. Web. 28 Feb. 2014.

Thursday, 20 February 2014

Fitaccen Maganin Gargajiya na Kasar Sin - Ginseng

Ginseng da yaren turanci ko Rénshēn (人参/人蔘) a yaren Kasar Sin (Chana) , wata irin nau'in shukace mai ganye launin kore da jijiyoyi (sauyoyi) masu tsoka shigen irin na citta a yanayi da launi. Shukace mai tasawa ahankali-ahankali yayinda take girma. Ita wannan shuka ana samun tane kawai a yankin Amerika-ta-Arewa (North America) da yankin Asiya-ta-Gabas (Eastern Asia), kamar irinsu Koriya, Chana ta Arewa-Maso-Gabas, da sauransu. Haka kuma, shukar tana rayuwa ne a yanayin mai sanyi. Kuma tana da nau'i na daban-daban.

Ita kalmar "Ginseng" (furucin kamar haka /'Jinsen/) ta samu ne asali daga kalmar "rénshēn" wanda a yaren Chananci "ren" na nufin "mutum". Gudan kuma bangaren kalmar "shen" na nufin "jijiyoyi ko sauyoyin shuka" ta yanda idan ka hada kalmomin biyu zaka hararo wannan ma'anar, wato "jijiya mai yatsu wacce take kama da kafafuwan mutum." Ginseng sinadari ne da wadannan kasashe suke amfani dashi a matsayin maganin gargajiya tsawon lokaci mai yawa a tarihi , har izuwa yanzu. Akwai wannan sinadari a kasuwanni kuma ana sarrafashi ta hanyoyi daban-daban na zamani, kamar gari, lifton, abun-sha, kofee, sirof, kwayar-magani, da wasu amfanin. Ginseng na daya daga cikin magungunan gargajiya da akafi siya a duniya. Ana fitar dashi zuwa kasashen duniya da dama, wanda harda Najeriya.Ginseng nada tarihi mai-tsawo na amfaninsa wanda tun daga lokacinda aka fara rubuta amfaninsa (farko) a wani kundi lokacin daular "Liang" (Liang Dynasty 220-587 AD) har izuwa yanzu. Abisa wasu bimcike-binciken kimiyya na zamani, sinadarin Ginseng nada amfani sosai ga lafiya ,

kamar haka: 1. Yana sanya kuzari da hana kasala. Mutane da dama sunyi imani da hakan, kuma suna amfani dashi domin biyan wannan bukata.

2. Yana gyara kwalwa domin rike karatu da kuma kyautata hazaqa.

3. Yana qara ruwan-jikin 'dan adam, kamar irin na maniyyi (maza da mata).

4. Yana bayarda rigakafi daga kamuwa da ciwon-daji (kansa), da yardar Allah.

5. Yana taimakawa wajen magance matsalar rashin karfin-maza.

6. Yana maganin ciwon-jiki.

7. Yana qarfafa garkuwar-jiki.

8. Yana rage suga dake cikin jini da yawan sinadarin kolestorol dake cikin jinin.

9. Yana gyara jini da hana saurin tsufan jikin 'dan adam, idan Allah yaso. Yana gyara jiki da

quruciya. Sai a kiyayi cin haram don rayuwa tayi kyau, mutuwa kuma dole ce. Allah yasa mu dace.

10. Da sauransu.

Muna sayarda wannan sinadari a irin sifofin da muka zayyana ana sarrafashi da kuma samar dashi. Mai bukata sai yazo ya siya, a kuma  shawarci likita akan yanda ya kamata ayi amfani dashi.   Allah ya taimaka.

Medical Disclaimer: I am just a researcher & a herbal practitioner not a professional medical  doctor.






Monday, 6 January 2014

ILLAR YAWAN CHOLESTEROL A JIKIN 'DAN ADAM

Cholesterol wani irin sinadari ne da jikin 'dan
adam ke amfani dashi domin gudanar da wasu
ayyukan lafiya a cikin jinin mutum. Wasu daga
cikin ayyukan cholesterol a cikin jini sune: 1.
Sauye-sauyen halittar 'dan adam yayin da yake
balaga da kuma sarrafa sha'awar sa. 2. Daidaita
sukari a cikin jini 3. Kare mutum daga daukar
wasu cututtuka (infection) 4. Samarda VITAMIN
D (sinadari maisa 'kwarin 'kashi da hakora) da
sauransu.

Hanta (liver) tana daga cikin ma'aikata ta
gangar jiki dake samar da CHOLESTEROL mai
yawa. Haka kuma abincin da mukeci wanda yake daga dabbobi na samar
dashi (DIETARY CHOLESTEROL).

Wannan
sinadari yafi yawa a cikin abincinmu karmar: kwai
('kwanduwa), hanta, butter, kifi,
nama, madara, mai , kaza da sauransu.

Duk da kasancewar wannan sinadari yana da amfani ga jikin 'dan adam, ba'a so yayi yawa cikin jini. Yawan cholesterol a cikin jinin mutum nada
hadari sosai, yana haddasa cututtukan zuciya.
Cholesterol dai sinadari ne mai danko kamar
kitse. Idan yayi yawa a cikin jini yana likewa a
hanyoyin jini dake daukar jini (artery) zuwa
zuciyar 'dan adam. Faruwar haka na iya
haddasa toshewar fayif din hanyoyin jinin
(plague/atherosclerosis). Idan haka yafaru, yana
jaza matsalolin zuciya kamar haka:

1. Hanyoyin dake kawo jini zuwa zuciya su toshe
(Coronary artery disease). Daga nan sai a samu
"heart attack" (zuciyar mutum ta samu dameji
ko mutum ya mutu).

2. Zuciya ta kasa harba jini zuwa sauran
hanyoyin jini na sauran jikin mutum (heart
failure).

SHAWARWARI

Mutum zai iya rage yawan cholesterol a cikin jininsa
ta hanyar:

1. Motsa jiki (exercise).
2. Cin 'yayan itatuwa da ganye (fruits &
vegetable).
3. Zaka iya amfani da magani domin rage
yawansa (amma da izinin likita ). Haka kuma
yanada kyau mutum yaje asibiti domin a duba
yawan cholesterol a jikin sa, domin yana karuwa yayin
da mutum yake manyanta. Allah yasa mudace.
Ameen.

Wannan hoto da kake gani a sama yana dauke
da bayanan abubuwa biyu kamar haka: Nafarko,
jini yana gudana a cikin fayif din jinin zuciya
(artery) lafiya lau batare da wata matsala ba. Na
biyu, yana nuna yanda cholesterol ya toshe fayif
din jinin (hanyar jini) zuwa zuciya. Cholesterol
shine mai kalar 'dorowa.

Saturday, 28 December 2013

BASIR-MAI-TSIRO

A cikin duburar 'dan adam akwai jijiyoyin jini
wadanda wani lokacin suna samun matsatsi
da talala mai takurasu. A lokacinda suka
samu takurawa da yawa, sai su kumbura.
Kumburin wadannan jijiyoyin jini na kara matsi
da takura a garesu cikin dubura. Dalilin
wannan yanayi marar-dadi ga jijiyoyin, sai
kaga wani tsiro ya fito maka a bakin dubura
wanda jijiyar jinince. Zakaji ciwo, ko kai-kayi
koma zubar jini. Wannan lamari shine Malam
Bahaushe ke kira da BASIR-MAI-TSIRO
(Hemorrhoid/ Pile).
Wasu daga dalilanda ke haddasa shi sune
kamar haka:
1. Gaggawa wajen yin yun'kurin kasaye
abunda dake cikin mutum (kashi). Hakan na
takurama jijiyoyin dubura.

2. Yawan zawo(gudawa) ko 'kin fitowar kashi
maisa yawan tsugunni a ban-daki.
3. Yawan kiba, musamman wajen mara ko
duwawu.

4. Juna-biyu da nakuda (musamman wajen
yunkurin fito da jinjiri daga farji). Yana yima
dubura talala da matsi.

5. Jima'i ta dubura (haramun!). Masu jima'i da
iyalansu ta dubura da mafi yawan 'yan luwadi
na fama da basir mai tsiro.

6.Zama mai tsawo kamar na cikin mota ko na
tela, da sauransu.

7. Matsalolin zuciya kona anta na tsawon
lokaci wanda ka iya jaza talalar jijiyoyin jini.
8. Da sauransu.

Zaka iya maganin rashin fitowar kashi maisa
yawan tsugunni ta hanyar cin 'ya'yan itace da
ganye (fibre foods). Yana da kyau sosai ga
marar-lafiya ya rinka tafasa ruwan zafi ya bari
yayi 'dumi ya gasa basir nashi da auduga ko
kuma ya zauna cikin robar ruwan mai dumi
minti 30 sau 2 a rana, domin samun saukin
ciwo da kumburi. Bayan angama gasawa toh
sai asamu DETTOL a wanke wajen domin
gudun kamuwa da wata bakuwar cuta. Aje
asibiti neman magani. Haka kuma zaka iya
neman taimakon magani daga gare mu. Allah
ya taimaka, Ameen.
Akwai wani irin nau'in basir na cikin ciki maisa
zawo da jini wanda wata cuta ke jazawa ta
daban, wato DYSENTERY a turance. Haka kuma akwai "Fitar-baya" wato RECTAL PROLAPSE za muyi
bayanai akansu insha Allahu anan gaba.

Thursday, 26 December 2013

AMFANIN ZOGALE GA JIKIN 'DAN ADAM

Zogale
(Moringa oleifera) itaciya ce mai ban mamaki dangane
da amfaninta ga lafiyar 'dan adam. Allah
(S.W.T.) yasa albarka da waraka ga
wannan itaciya. Zogale abinci ne mai romon sinadaran lafiya a bayan kasa, baza'a iya kwatanta shiba da sauran ganyaye ta fuskar amfaninsa ga lafiyar 'dan adam. Wannan dalili yasa wasu ke kiransa da suna ITACIYAR RAYUWA ( The tree of life). Ganyen zogale na kunshe da romon
sinadari mai yawa na VITAMIN A (wanda ke
karama idanun 'dan adam lafiya da gani) fiye da
VITAMIN A dake cikin karas har sau 4. Ganyen
zogale haka kuma yana da sinadari mai yawa na
CALCIUM (mai sanya qashi da hakoran 'dan
adam kwari da lafiya) fiye da yawan na cikin madara linki 4. Yana da sinadarin
VITAMIN C (wanda ke karfafa garkuwar jikin 'dan adam domin fada da cututtuka masu kai farmaki ga lafiyar mutum),
yanada wannan sinadarin mai yawa fiye da irin
wannan sinadarin dake cikin lemu har linki 7.
Haka kuma yanada sinadarin PROTEIN (sinadari
mai gina jikin 'dan adam), fiye da na cikin madara sau 2. Bugu da qari, yana da VITAMIN E
(sinari mai gyara fata da lafiyar fata). Masana ilimin kimiyya da bincike akan wannan itaciyar lafiya sun bayyana cewa ZOGALE/ZOGALA nada wadannan magunguna:
-Yana daidaita sukari cikin jini.
-Yana rage hawan-jini
-Yana taimakama mace mai shayarwa da ruwan nono.
-Yana kashe kwayoyin cutar bakteriya (bacteria).
-Yana saukake narkewar abinci a ciki.
-Yana wanke ciki, musamman idan aka cishi kafin aci komai.
-Yana kare lafiyar hanta da koda.
-Yana taimakawa da kuzari ga jikin mutum.
-Yana rage kiba.
-Yana gyara kwalwa.
Da sauransu.

Friday, 15 November 2013

KALUBALE GA MA'AURATA - KASHI NA 4

Salam. A wannan karo zamuyi nazari akan
amfanin jima'i ga lafiyar ma'aurata. Hakika Allah
(S.W.A.) yasa albarka a cikin rayuwar aure. Toh
albishirinku ma'aurata da matasa masu shirin
zama anguna da amare. Aure nada muhimmanci
sosai ga rayuwar 'dan adam. Aure sunnar
Annabin muce (S.A.W.), ibadane, more
rayuwane, kwanciyar hankaline, mutumcin 'dan
adam da kuma kariya. Wadannan abubuwa da
muka zayyana akwai hanyoyin da akebi na
Musulunci domin a cimma nasarar samun su a
cikin aure, haka kuma bayanin kowanensu na
bukatar sharhi mai fadi na ilimi. Don haka sai
anemi bayanan malaman sunnah. Adaidai
wannan wurin, zamu takaita kan mu wajen
bayanai akan amfanin jima'i ga lafiya: ma'ana-
abunda zaka iya moruwa dashi na lafiya da
jima'i ke amfanarwa. Ko shakka babu, fahimtar
wannan mas'ala zai iya baka damar sanin
hanyar halas da zaka iya magance wasu
matsalolin lafiya ta hanyar saduwa da iyalinka.
Haka kuma, zaya sanya ka cikin mamaki da
fahimtar rahamar Allah madaukakin Sarki
akanka. Daga cikin wannan abubuwa da jima'i
ke maganinsu sun hada: rage hawan-jini (BP),
rage wahala, karfafa garkuwar jiki, gyara maniyyi
da sauransu.

1. RAGE HAWAN-JINI :

Abisa wasu bayanai masu inganci da muka
tattaro na wasu masana kimiyya, yin jima'i
tsakanin ma'aurata na taimakawa wajen rage
hawan-jini a lokacin da yake hauhawa.

2. HUCE WAHALA:

Idan maigida ya dawo aiki ya shawo wahalar
aikin ofis, ta kasuwa ko wata wahala mai wuyar
gaske kuma ya naso ya huta, toh sai yayi
wanka, yaci abinci, ya kuma sha ruwa ko lemu,
sa'annan ya sadu da iyalinsa. Ko shakka babu
zai samu wani irin hutu da bacci mai dadi da kuma
debe wahala. Jima'i na rage 'stress' da
'pressure' sosai.

3. KARFAFA GARKUWAR JIKI:

Binciken wasu masana kimiyya ya nuna cewa,
mutane (magidanta) masu yin jima'i akai-akai
sunfi yawan sinadarin "antibody" a cikin jikinsu
fiye da wanda basu yin jima'i kamar yawan
nasu. Shi dai wannan sinadari amfaninsa shine
kare jikin 'dan adam daga cututtuka (germs,
viruses and other intruders) masu kai farmaki a
cikin jiki su cutar da lafiya- wato garkuwane ga
jikin 'dan adam . Toh saidai yana da kyau
mutum ya yawaita cin abincin dazai kara masa
lafiyar jima'i kamar yanda muka bayyana a can
baya . Kuma mutum ya rinka hutawa don samun
cikakkiya lafiya da ni'ima.

4. GYARA MANIYYI:

Mutum mai saduwa da iyalinsa akai-akai, ilimi
ya nuna cewa maniyyinsa na kara inganci da
lafiya. Zaya samu sabon maniyyi ya zubda
tsohon maniyyi. Hakan zai iya taimakawa sosai
wajen saurin samun juna biyu ga iyalinsa. Haka
kuma, sabunta saduwa da uwargida na kara
mata sha'awa da ni'imar ruwa (vaginal
lubrication) domin saduwa da maigida cikin
sauki da santsi. Wannan rahotone daga wata
mai ilimi akan kiwon lafiya (Assistant clinical
professor of obstetrics and gynecology at
Northwestern University's Feinberg School of
Medicine in Chicago).

5. RAGE CIWO:

Jima'i na rage radadin ciwo kamar irin na ciwon
jiki ko na baya da sauransu. A lokacin da mutum
yayi inzali, jikinsa na samarda wani irin sinadari
(hormone oxytocin), wannan sinadari yana
taimakawa sosai wajen samarda wani sinadarin
kuma (endorphins) wanda keda tasiri kamar na
maganin "aspirin" da "panadol" (pain relievers)
masu rage zafin ciwo. Jima'i magani me mai
karfi na ciwo. Idan mutum yanaso ya gane
gaskiyar wannan zance, a lokacin da yake jin
wani ciwo a jikinsa, ya saurara yaji idan akwai
ciwon lokacin yake kawowa (inzali).

6. GYARA ZUCIYA:

Masana kimiyya sun bayyana jima'i a matsayin
wani nau'in motsa-jiki (exercise). Motsa jiki
nada muhimmanci sosai ga lafiyar mutum. Yana
gyara lafiyar zuciyar 'dan adam da kuma kare ta
daga cututtuka masu kai farmaki. Yana sanya
gudanar jini a zuciya da sauran jiki yanda ya
kamata domin samun cikakkiyar lafiya.

7. RAGE KIBA:

Yawan jima'i nasa rama. Kada mu manta da
cewa jima'i wani nau'i ne na motsa-jiki.Yana
kone sinadaran kuzari (calories) wanda
taruwarsu da yawa a jiki ba tare da amfani dasu
ba ke jaza kiba (weight gain). Jima'i na tsawon
rabin awa na kone/amfani da kimanin 75 ko 150 na
sinadarin. Anyi kiyasin cewa mutum na kone sinadarin
kimanin 129 yayinda yake tafiya a kasa tsawon
rabin awa.Yawan kiba nada illa sosai ga lafiya.
Yana haddasa ciwuka kamar na zuciya, ciwon
suga da ciwon kafafu ko gabbai. Toh masu kiba
ga wata dama ta samu - Jima'i hanyace ta rage
kiba.

8. GYARA FATA:

Fata tayi kyau da kala mai kyau mai alamun
lafiya.

9. GYARA MAFITSARA:

Yana gyara lafiyar mafitsarar mata domin rike
fitsari da sauransu dai mutakaita.

Wadannan bayanai da suka gabata basa yin
nuni cewa mutum ya yawaita yin jima'i da
iyalansa. Yawan yin jima'i na iya sanya mutum
ya tsotse ya kuma rasa wasu sinadarai masu
muhimmanci a jikinsa. Nemi Karin bayani daga
malaman addini da kuma likitoci akan a dadin
yawan jima'i da mutum yakamata ya rinka yi a
sati don cikakkiyar lafiya da ni'ima. To amma adadin
yawan a sati yasha bamban tsakanin mutane ta
fuskar shekarunsu, yanayin halittar su da kuma lafiyarsu
da kuma wasu sauran dalilan na daban.

Ku biyo mu a KALUBALE GA MA'AURATA –
KASHI NA 5 domin jin amsoshin wadannan
matsaloli kamar haka:

1. Shin ko girman al'aurar namiji nada alaka da
gamsasshen jima'i ga matarsa?
2. Shin tsawo ko kaurin mazakuta ne yafi
muhimmanci?
3. Minene tsayin ko kaurin da ake bukata ga
maigida, kuma yaya ake awonsu don mutum
yasan nashi?
4. Toh minene mafita ga wanda yake da kasa da
abunda ake bukata na tsawo ko kauri(gwabi)?

Friday, 2 August 2013

KALUBALE GA MA'AURATA - KASHI NA 3


Salam. A wannan karo zamu yi bayani akan wasu daga cikin dangin kayan marmari da sinadarai da ma'aurata zasu iya bawa sha'awarsu - wato abinci da sinadarai masu karama ma'aurata lafiyar jima'i da ni'ima. Ko shakka babu, bayanai da mukayi a baya (a kashi na 2) zasu haskaka ma mai-karatu wajen fahimtar inda muka dosa idan ya karanta.
1.  KANKANA (watermelon)
Kankana na daga cikin kayan marmari da ma'aurata zasu iya more amfaninta a gadonsu. Kankana nada sinadari mai yawa na CITRULLINE. Kashi 92 cikin 100 na kankana ruwa ne ,sauran kashi 8 na sinadarin ne. Amfanin wannan sinadari shine - yana sanya hanyoyin jini a cikin jiki su saki jiki. Hakan nasanya karuwar gudanar jini ga al'aura da kuma sauran jiki. Sakamakon haka nasanya karfin mazakuta da ni'ima tsakanin ma'aurata a lokacin saduwa. Yana karama mata ni'ima da nishadi sosai. Wannan sinadari yafi yawa ga bayan kankanar (fari). Duk da haka, akwai sinadarin mai yawa a cikin tsokar kankanar. Tasirin sinadarin yayi kamada na VIAGRA - maganin karfin mazakuta. A yanzu hakadai, masana-kimiyya na nazari akan samarda sabon irin-kankana wanda zai samarda sinadarin mai yawa a cikin kankana domin amfani dashi kamar magani wajen al'amarin jima'i. Asha Kankana minti 30 kafin a fara saduwa. Haka kuma yana da kyau ga lafiya mutum yamaida kankana abincinsa.

2.   AIBA (Banana)
Aiba na taimakawa sosai wajen kara sha'awar miji da mata. Tana kunshe da sinari-maikara-sha'awa "bromelain" (an enzyme). Haka kuma tanada romon sinadarai masu sa kuzari da lafiya.


3.  DANYA (almond)
Danya na daga cikin manya-manyen abincin ma'aurata. Tana tsokano   sha'awar miji da mata. Haka kuma tana kara karfin maza. Za'a iya amfani da manta a zuba cokali 2 a sha a shayi sau 2 a rana.


4.  TAFARNUWA (Garlic)
Tafarnuwa nada sinadarin "allicin". aikin sinadarin a jikin mutum yayi kama dana kankana. Mutum na iya amfani da kafsol din tafarnuwa (garlic capsules) idan yana gudin yawan warinta. Hakan zai rage warinta akan cin tafarnuwar kai-tsaye. Amma yafi inganci ayi dubara aci tafarnuwar a wani abinci ko kuma wata hanyar. Idan kafsol za kayi amfani dashi toh sai asha guda 2 minti 30 zuwa 40 kafin saduwa. Kada kayi amfani da tafarnuwa lokacin zuwa Masallaci ko cikin jama'a, zaka iya cutar da jama'a. Zaifi ayi amfani da ita da dare , sa'annan awanke baki da brush da toothpaste.


5.  YAJI (Chilli pepper)

 Da yawa daga cikin mutane na tunanin cewa yaji bayada wani amfani sai kawai kawo matsalar zafi da basir. Wannan zance ba haka yakeba. Idan yaji nada illa ta wani bangaren toh kuma yana da amfani wani bangaren. Yaji na taimakawa wajen son cin abinci (good appetizer) idan mutum yayi amfani dashi ga abinci. Bayan haka, yaji yana da sinadari mai yawa na CAPSAICIN, sinadari mai tasiri kamar na kankana da mukayi bayani a baya. Yana hura wutar sha'awa ga ma’aurata. Haka kuma, Idan muka lura, akwai magungunan 'da'a na gargajiya kamarsu YAJIN-MAZA da YAJIN-MATA da muke jin sunansu a kasuwa. Sirrin wadannan magunguna ya dogarane da sinadarin yajin.

GARGADI : Kada kayi ta cin yaji da yawa don kaji yana kara lafiyar jima'i. Yana iya haddasa maka da matsalolin ciki ko basir. Ayi amfani dashi a farfesun nama na kayan-ciki, kaza ko na kifi. Idan kanada olsa (ulcer) ko wata matsala da yaji, ka guji yaji, toh kaji!

6.  WASU DAGA NAU'IKAN ABINCIN MA'AURATA

 A takaice ga wasu daga cikin sauran abincin mai-gida da uwar-gida: kifi, kaza, madara, kwakwa, kwai, hanta, citta, abarba, gyada, wake, karas, choculate da sauransu. Musani cewa motsa-jiki (exercise) nada matukar muhimmanci wajen cikakkiyar lafiyar jima'i da kuma lafiyar mutum ga baki daya. Allah yasa mu dace.


Thursday, 1 August 2013

AMFANIN KANIMFARI GA LAFIYA



 

1. Yana maganin ciwon hakori. Zaka iya amfani da man-kanimfari (clove oil) ga hakori mai-ciwo ko kuma kanimfarin (dakakke) , a jikashi kadan da ruwa a lika wajen hakori mai-ciwo. Idan mai ( clove oil) kake amfani dashi sai asamu auduga a zuba man kadan a lika wajen hakori mai-ciwo (ka danne da hakora).

2. Za’a iya amfani dashi a matsayin abun wanke baki. Yana maganin warin baki (a tafashi a yawaita wanke baki dashi sau 2 ko 3 a rana).

3. Yana hana zubar hanci ga masu mura. A tafasashi da citta/jinja (ginger) a sha shayi.

4. Yana maganin cututtuka (infections caused by bacteria, fungi and virus ) na cikin jiki ko na bayan fata, kamar kuraje (spots and rashes), makero (ring worm) da kyanda (measles).

5. Yana maganin zawo da amai da zazzabin cizon sauro.
6. Yana saukake narkewar abinci a ciki.

7. Yana maganin ciwon kai. A shafa man kanimfari a goshi.Yana taimakawa wajen ciwon kai da mura kan jazawa.

8. Yana kara karfin mazakuta idan aka shafa mansa kadan ga mazakuta.
Da sauransu.

Thursday, 25 July 2013

KALUBALE GA MA’AURATA - KASHI NA 2


Photo: KALUBALE GA MA’AURATA KASHI NA 2 


        GABATARWA

                 Kwalwar ‘dan adam itace babbar na’ura dake tafiyarda mafi yawancin ayyuka da jikin mutum kanyi - itace ke sarrafa duk kanin gabobi da sassan jikin mutum, kama daga tunani, ido, kunne, baki, hanci, kyaftawa, numfashi, magana, tafiya, taimakon mutum wajen harda da sauransu. Allah (S.W.A.) ya karrama ‘dan adam da kuma halittarsa. Kwalwar mutum tafi sauran kwalwar halittu dake bayan kasa dangane da tsarin halittarta, basira da yawan ayyukanta masu ban-mamaki a rayuwar ‘dan adam. Kwalwar mutum anyi wayarin nata da wasu wayoyin sadarwa masu yawa (nerves) zuwa duk kanin sassan jiki. Wadannan wayoyi suna da amfani na daban-daban. Su wadannan wayoyin sadarwa (nerves) sun lullube duk kanin jikin mutum dun daga tushensu akai (kwalwa) har zuwa kafafuwa. Amfanin wadannan wayoyin sadarwa ga kwalwa shine – daukar sakonni daga kwalwa zuwa sassan jiki ko gabobi. Misali, idan mutum yayi niyyar yin magana, kwalwarsa zata bada sakon umarni ta hanyar wayoyin sadarwar zuga gabobin jiki masu sarrafa sautin magana (su huhu, harshe, hakora, lebba da sauransu). Daga nan sai subi umarni sai baki ya furta abunda ake bukata, wanda dama can kwalwa ta riga ta yanke shawara akan abunda bakin ya fada. Da wannan hanyoyin sadarwa kwalwa ke mallakar dukkan sassan jiki wajen sarrafasu.


             Haka ma, sha’awar mutum namiji ko mace na farawane daga kwalwa. Anan zamuyi bayani akan ‘dabi’ar namiji kadai. A lokacinda mutum namiji ya fuskanci iyalinsa ko wani abu na iyalinsa ya tsokano sha’awarsa ga abunda ke faruwa: kwalwa zata aika da sako zuwa hanyoyin sadarwarta dake wajen al’aurar mutum - cewa jijiyoyin al’aura su saki jiki su kumbura ta yanda za’a iya aiko da jini ya shiga cikin al’aura. Dazaran hakan ya faru, sai a harbo jini da karfi ta yanda jijiyoyin mazakutar mutum zasu kumbura (sai mazakutar mutum ta mike). Daman dai ita al’aurar namiji jijiyoyine da tsoka. Yanayin tsokar kan al’aurar yayi kama da soso. Jinin da aka harbo na cika wannan sosan tsokar da jijiyoyi sa’annan sai a kulle jinin har zuwa wani lokaci ko kuma zuwa lokacinda mutum ya biya bukatar jima’i.


DALILAN DAKE HADDASA MATSALAR RASHIN KARFIN MAZAKUTA 
(CAUSES OF ERECTILE DYSFUNCTION)

            Rashin karfin mazakuta na nufin matsalar rashin cikakken karfin al’aurar namiji ko raguwar karfin al’aura yayinda aka fara saduwa ko kuma rashin mikewar al’aura yayinda ake bukatar fara jima’i. Bincike ya nuna cewa wannan matsala tafi yawa ga masu shekaru 40 zuwa 70, kuma tana karuwane a lokacinda mutum yake manyanta. Saidai duk da haka akwai matasa da dama masu irin wannan matsala. Wasu daga cikin dalilan wannnan matsalar sune kamar haka:

1. Ciwon suga, hawan jini da yawan kolesterol a cikin jini (diabetes, high blood pressure and high cholesterol). Irin wadannan matsalolin zagayawar jini a jiki da danginsu (blood circulatory problems) sune matsoli na farko masu haddasa rashin karfin mazakutar namiji ga mutane da dama.


2. Ciwon daji (cancer) na iya yima jijiyoyin jini ko hanyoyin sadarwar kwalwa illa, wanda wadannan hanyoyi suke taimakawa wajen mikewar gaba kamar yanda muka yi bayani a 
baya.


3. Hadari (accident) wanda ka iya shafar sashen al’aura ko wani bangaren kwalwa mai taimakawa wajen mikewar al’aura.


4. Yawan damuwa akan matsalolinda suka faru da mutum na rayuwa da kadaici (depression).

5. Shan sigari (smoking). Taba ko sigari na cunkushe hanyoyin jini. Tana iya sanya karancin zuwan jini ga al’aura, daga nan sai asamu rashin karfin gaba. 

6. Shan giya da kwayoyi (alcoholism and drugs). Matsalar yawan shan-giya na iya haddasa rashin karfin namiji koda kau mutum bai sha giyarba lokacin jima’i, domin kuwa tana zama cikin jini. Haka kuma, shaye-shayen kwayoyi don maye da wasu nau’in kwayoyi da akeba mararsa lafiya a asibiti (their side effects), kamar kwayoyin maganin ciwon daji (anti-cancer medications).

7. Rashin kwanciyar hankali ko fargaba yayin jima’i (anxiety). Idan mutum yana tunanin cewa bazai iya biyama iyalinsa bukatar jima’i ba (misali sabuwar amaryarsa ) saboda wata matsala da yake fargaba, ko kuma yana tunanin cewa baya gamsar dasu, toh yana iya jefa kansa cikin wani halin fargaba da zaisa ya rasa karfin gaba lokacin saduwa.

8. Karancin sha’awa wanda kai tsaye nada alaka da rashin cikakkiyar lafiyar mutum.

9. Karancin sha’awar saduwa da wata macen cikin matan maigida. Hakan na faruwa idan matar batasan yanda zata jawo hankalin maigidan taba wajen kwanciya. Wannan dalili na haddasa matsalar rashin karfi. Wasu dalilan kuma nada alaka da maigidan kan bukatarsa. Shiyasa wasu mazajen ke kara aure.


10. Yawan Kiba (obesity) na hana maza karfin mazakuta, kuzari  da kuma haddasa kankancewar al’aura. Da sauransu.


              Idan mutum yasan yanada daya daga cikin wadannan matsaloli, toh yakamata ya garzaya asibiti da wuri domin neman lafiya da kuma shawarwarin likita. Haka kuma yanada matukar muhimmanci mutum ya guji magungunan karfin namiji nakan hanya barkatai. Zamu bayyana abinci na ‘yayan itatuwa, ganye da shawarwari da zasu taimakama masu wannan matsala, nan gaba, insha Allahu. Idan matsalar tayi girma toh mutum ya tafi asibiti kawai dan shawo kan matsalar da wuri. Allah yataimaka. Ameen.



GABATARWA

Kwalwar ‘dan adam itace babbar na’ura dake tafiyarda mafi yawancin ayyuka da jikin mutum kanyi - itace ke sarrafa duk kanin gabobi da sassan jikin mutum, kama daga tunani, ido, kunne, baki, hanci, kyaftawa, numfashi, magana, tafiya, taimakon mutum wajen harda da sauransu. Allah (S.W.A.) ya karrama ‘dan adam da kuma halittarsa. Kwalwar mutum tafi sauran kwalwar halittu dake bayan kasa dangane da tsarin halittarta, basira da yawan ayyukanta masu ban-mamaki a rayuwar ‘dan adam. Kwalwar mutum anyi wayarin nata da wasu wayoyin sadarwa masu yawa (nerves) zuwa duk kanin sassan jiki. Wadannan wayoyi suna da amfani na daban-daban. Su wadannan wayoyin sadarwa (nerves) sun lullube duk kanin jikin mutum dun daga tushensu akai (kwalwa) har zuwa kafafuwa. Amfanin wadannan wayoyin sadarwa ga kwalwa shine – daukar sakonni daga kwalwa zuwa sassan jiki ko gabobi. Misali, idan mutum yayi niyyar yin magana, kwalwarsa zata bada sakon umarni ta hanyar wayoyin sadarwar zuga gabobin jiki masu sarrafa sautin magana (su huhu, harshe, hakora, lebba da sauransu). Daga nan sai subi umarni sai baki ya furta abunda ake bukata, wanda dama can kwalwa ta riga ta yanke shawara akan abunda bakin ya fada. Da wannan hanyoyin sadarwa kwalwa ke mallakar dukkan sassan jiki wajen sarrafasu.


Haka ma, sha’awar mutum namiji ko mace na farawane daga kwalwa. Anan zamuyi bayani akan ‘dabi’ar namiji kadai. A lokacinda mutum namiji ya fuskanci iyalinsa ko wani abu na iyalinsa ya tsokano sha’awarsa ga abunda ke faruwa: kwalwa zata aika da sako zuwa hanyoyin sadarwarta dake wajen al’aurar mutum - cewa jijiyoyin al’aura su saki jiki su kumbura ta yanda za’a iya aiko da jini ya shiga cikin al’aura. Dazaran hakan ya faru, sai a harbo jini da karfi ta yanda jijiyoyin mazakutar mutum zasu kumbura (sai mazakutar mutum ta mike). Daman dai ita al’aurar namiji jijiyoyine da tsoka. Yanayin tsokar kan al’aurar yayi kama da soso. Jinin da aka harbo na cika wannan sosan tsokar da jijiyoyi sa’annan sai a kulle jinin har zuwa wani lokaci ko kuma zuwa lokacinda mutum ya biya bukatar jima’i.


DALILAN DAKE HADDASA MATSALAR RASHIN KARFIN MAZAKUTA
(CAUSES OF ERECTILE DYSFUNCTION)

Rashin karfin mazakuta na nufin matsalar rashin cikakken karfin al’aurar namiji ko raguwar karfin al’aura yayinda aka fara saduwa ko kuma rashin mikewar al’aura yayinda ake bukatar fara jima’i. Bincike ya nuna cewa wannan matsala tafi yawa ga masu shekaru 40 zuwa 70, kuma tana karuwane a lokacinda mutum yake manyanta. Saidai duk da haka akwai matasa da dama masu irin wannan matsala. Wasu daga cikin dalilan wannnan matsalar sune kamar haka:

1. Ciwon suga, hawan jini da yawan kolesterol a cikin jini (diabetes, high blood pressure and high cholesterol). Irin wadannan matsalolin zagayawar jini a jiki da danginsu (blood circulatory problems) sune matsoli na farko masu haddasa rashin karfin mazakutar namiji ga mutane da dama.


2. Ciwon daji (cancer) na iya yima jijiyoyin jini ko hanyoyin sadarwar kwalwa illa, wanda wadannan hanyoyi suke taimakawa wajen mikewar gaba kamar yanda muka yi bayani a
baya.


3. Hadari (accident) wanda ka iya shafar sashen al’aura ko wani bangaren kwalwa mai taimakawa wajen mikewar al’aura.


4. Yawan damuwa akan matsalolinda suka faru da mutum na rayuwa da kadaici (depression).

5. Shan sigari (smoking). Taba ko sigari na cunkushe hanyoyin jini. Tana iya sanya karancin zuwan jini ga al’aura, daga nan sai asamu rashin karfin gaba.

6. Shan giya da kwayoyi (alcoholism and drugs). Matsalar yawan shan-giya na iya haddasa rashin karfin namiji koda kau mutum bai sha giyarba lokacin jima’i, domin kuwa tana zama cikin jini. Haka kuma, shaye-shayen kwayoyi don maye da wasu nau’in kwayoyi da akeba
mararsa lafiya a asibiti (their side effects), kamar kwayoyin maganin ciwon daji (anti-cancer medications).

7. Rashin kwanciyar hankali ko fargaba yayin jima’i (anxiety). Idan mutum yana tunanin cewa bazai iya biyama iyalinsa bukatar jima’i ba (misali sabuwar amaryarsa ) saboda wata matsala da yake fargaba, ko kuma yana tunanin cewa baya gamsar dasu, toh yana iya jefa kansa cikin wani halin fargaba da zaisa ya rasa karfin gaba lokacin saduwa.

8. Karancin sha’awa wanda kai tsaye nada alaka da rashin cikakkiyar lafiyar mutum.

9. Karancin sha’awar saduwa da wata macen cikin matan maigida. Hakan na faruwa idan matar batasan yanda zata jawo hankalin maigidan taba wajen kwanciya. Wannan dalili na haddasa matsalar rashin karfi. Wasu dalilan kuma nada alaka da maigidan kan bukatarsa. Shiyasa wasu mazajen ke kara aure.


10. Yawan Kiba (obesity) na hana maza karfin mazakuta, kuzari da kuma haddasa kankancewar al’aura. Da sauransu.


Idan mutum yasan yanada daya daga cikin wadannan matsaloli, toh yakamata ya garzaya asibiti da wuri domin neman lafiya da kuma shawarwarin likita. Haka kuma yanada matukar muhimmanci mutum ya guji magungunan karfin namiji nakan hanya barkatai. Zamu bayyana abinci na ‘yayan itatuwa, ganye da shawarwari da zasu taimakama masu wannan matsala, nan gaba, insha Allahu. Idan matsalar tayi girma toh mutum ya tafi asibiti kawai dan shawo kan matsalar da wuri. Allah yataimaka. Ameen.